తెలంగాణ ముఖ్యమంత్రి రేవంత్ రెడ్డితో అదానీ గ్రూప్ ఛైర్మన్ గౌతమ్ అదానీ భేటీ అయ్యారు. రాష్ట్రంలో పెట్టుబడులు తదితర అంశాలపై ఇరువురు చర్చించారు. ఈ సందర్భంగా రాష్ట్ర ప్రభుత్వం ఎంతో ప్రతిష్టాత్మకంగా ఏర్పాటు చేసిన యంగ్ ఇండియా స్కిల్ యూనివర్సిటీకి అదానీ గ్రూప్ నుంచి భారీ విరాళం ప్రకటించింది. రూ. 100 కోట్ల చెక్కును సీఎం రేవంత్ రెడ్డికి గౌతమ్ అదానీ అందజేశారు. ఈ వర్సటీకి ప్రముఖ పారిశ్రామికవేత్త ఆనంద్ మహీంద్రా ఛైర్మన్‌గా వ్యవహరిస్తున్నారు. యువతకు నైపుణ్యాలు నేర్పించేలా రంగారెడ్డి జిల్లాలోని ముచ్చర్లలోని బేగరికంచెలో ఈ యూనివర్సిటీని ఏర్పాటు చేసింది. నవంబరు 4వ తేది నుంచి స్కిల్ యూనివర్సిటీలో కోర్సులు ప్రారంభం కానున్నాయి.
సీఎం రేవంత్ రెడ్డితో గౌతమ్ అదానీ భేటీ.. స్కిల్ యూనివర్సిటీకి భారీ విరాళం.
