సీఎం జగన్ మోహన్ రెడ్డిపై ఏపీ పీసీసీ చీఫ్ షర్మిల మరో సారి విరుచుకుపడ్డారు. కల్లబొల్లి మాటలతో మరో సారి అధికారంలోకి వచ్చేందుకు ప్రయత్నిస్తున్నారని విమర్శించారు. వైసీపీ పాలనలో రాష్ట్రంలో అభివృద్ధి శూన్యమని ఆరోపించారు. బాపట్లలో నిర్వహించిన బహిరంగసభలో ఆమె పాల్లొన్నారు. ఈ సందర్భంగా అధికార వైసీపీ, ప్రధాన ప్రతిపక్షం టీడీపీపై విమర్శలు కురిపించారు. దేనికి సిద్ధం జగన్ సారూ? మరో 8 లక్షల కోట్లు అప్పు చేయడానికి సిద్ధమా? మళ్లీ బీజేపీతో అక్రమ పొత్తు పెట్టుకోవడానికి సిద్ధమా ? మళ్లీ ప్రత్యేక హోదాను బీజేపీ దగ్గర తాకట్టు పెట్టడానికి సిద్ధమా? మళ్లీ పూర్తి మద్యపాన నిషేధమని మోసం చేయడానికి సిద్ధమా? 25 లక్షల ఇళ్ళు కడతామని మోసం చేయడానికి సిద్ధమా ? లిక్కర్,మైనింగ్ మాఫియా కు సిద్ధమా ? దేనికి సిద్ధం? అని ప్రశ్నించారు. మీరు సిద్ధమైతే…ప్రజలు మిమ్మల్ని ఇంటికి పంపడానికి సిద్ధంగా ఉన్నారని షర్మిల పేర్కొన్నారు.వైయస్ఆర్ సంక్షేమ పాలన కాంగ్రెస్ తోనే సాధ్యమన్నారు.
